2015 جىلعى 28 قاڭتار, الماتى قالاسى
قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق قورىنىڭ ينۆەستيتسيالىق وپەراتسيالارىن جۇزەگە اسىرۋ ەرەجەسىن بەكىتۋ تۋرالى» 2006 جىلعى 25 شىلدەدەگى № 65 قاۋلىسىنا وزگەرىس ەنگىزۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا جانە «قازاقستان رەسپۋبليكاسىنىڭ ۇلتتىق قورىن سەنىمگەرلىك باسقارۋ تۋرالى شارت تۋرالى» قازاقستان رەسپۋبليكاسى ۇكىمەتىنىڭ 2001 جىلعى 18 مامىرداعى № 655 قاۋلىسىمەن ماقۇلدانعان قازاقستان رەسپۋبليكاسىنىڭ ۇلتتىق قورىن سەنىمگەرلىك باسقارۋ تۋرالى 2001 جىلعى 14 ماۋسىمداعى № 299 شارتقا سايكەس قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق قورىنىڭ ينۆەستيتسيالىق وپەراتسيالارىن جۇزەگە اسىرۋ ەرەجەسىن بەكىتۋ تۋرالى» 2006 جىلعى 25 شىلدەدەگى № 65 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 4361 تىركەلگەن) مىناداي وزگەرىس ەنگىزىلسىن:
كورسەتىلگەن قاۋلىمەن بەكىتىلگەن قازاقستان رەسپۋبليكاسى ۇلتتىق قورىنىڭ ينۆەستيتسيالىق وپەراتسيالارىن جۇزەگە اسىرۋ ەرەجەسىندە:
48-تارماق مىناداي رەداكتسيادا جازىلسىن:
«48. الەمنىڭ دامىعان ەلدەرىنىڭ مىنا:
Merrill Lynch U.S. Treasuries, 1-5 Yrs (GVQ0) – 45 (قىرىق بەس) پايىز;
Merrill Lynch 1-5 Year All Euro Government Index, DE, FR, NL, AT, LU, FI (EVDF) – 20 (جيىرما) پايىز;
Merrill Lynch U.K. Gilts, 1-5 Yrs (GVL0) – 10 (ون) پايىز;
Merrill Lynch Japanese Governments, 1-5 Yrs (GVY0) – 10 (ون) پايىز;
Merrill Lynch Australian Government, 1-5 Yrs (GVT0) – 5 (بەس) پايىز;
Merrill Lynch Canadian Governments, 1-5 Yrs (GVC0) – 5 (بەس) پايىز;
Merrill Lynch South Korean Government Index, 1-5 Yrs (GSKV) – 5 (بەس) پايىز
وتىمدىلىگى جوعارى باعالى قاعازداردان تۇراتىن وبليگاتسيالارىنىڭ كومپوزيتتىك يندەكسى جيناق پورتفەلىنىڭ كىرىسى بەلگىلەنگەن باعالى قاعازدار پورتفەلى ءۇشىن ەتالوندىق پورتفەل بولىپ سانالادى.
وسى يندەكستەگى ەتالوندىق بولۋگە قايتا ورالۋ كۇنتىزبەلىك توقساننىڭ سوڭعى جۇمىس كۇنى جۇرگىزىلەدى. باعالى قاعازداردىڭ يندەكستەگى قۇرامى اي سايىن وزگەرەدى. كىرىستىلىك جانە تاۋەكەل كورسەتكىشتەرى كۇن سايىن ەسەپتەلەدى.».
2. مونەتارلىق وپەراتسيالار جانە اكتيۆتەردى باسقارۋ دەپارتامەنتى (ەسكەندىروۆ ا.م.) زاڭنامادا بەلگىلەنگەن تارتىپپەن:
1) قۇقىقتىق قامتاماسىز ەتۋ دەپارتامەنتىمەن (دوسمۇحامبەتوۆ ن.م.) بىرلەسىپ وسى قاۋلىنى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى قاۋلىنى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن.
3. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە بۇقارالىق اقپارات قۇرالدارىندا رەسمي جاريالاۋعا جىبەرۋدى قامتاماسىز ەتسىن.
4. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى ن.ج. قۇسايىنوۆقا جۇكتەلسىن.
5. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ۇلتتىق بانك توراعاسى ق.كەلىمبەتوۆ.
كەلىسىلدى
قازاقستان رەسپۋبليكاسىنىڭ قارجى مينيسترلىگى
ب. سۇلتانوۆ ____________
2015 جىلعى 26 اقپان
قاۋلى قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 14 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10435 بولىپ ەنگىزىلدى.